aME
დაზღვევა
არალეგალი
ემიგრანტებისთვის
საფრანგეთის სახელმწიფო, პასუხისმგებელია თავის ტერიტორიაზე მცხოვრებ ყველა ადამიანზე, განურჩევლად მათი სტატუსისა. ამიტომ, საფრანგეთი თავის ფუნდამენტურ ვალდებულებებში მოიაზრებს ჯანდაცვის სისტემაზე ხელმისაწვდომობის უზრუნველყოფას იმ ადამიანებისთვის, რომლებიც არალეგალურად (sans-papiers) ცხოვრობენ ქვეყნის ტერიტორიაზე.
მიუხედავად იმისა, რომ მიმდინარეობს აქტიური პოლიტიკური დებატები ამგვარი სამედიცინო დახმარების გაუქმების თაობაზე, ამჟამად თქვენ კვლავ შეგიძლიათ ისარგებლოთ მისით.
უცხოელებს, რომლებიც უკანონოდ ცხოვრობენ საფრანგეთის ტერიტორიაზე, გარკვეული პირობების დაკმაყოფილების შემთხვევაში, უფლება აქვთ მიიღონ სახელმწიფო სამედიცინო დახმარება — AME (Aide Médicale de l’État). ამ სტატიაში განვიხილავთ, რისთვის არის ის საჭირო და როგორ შეიძლება მისი მიღება.
ყველაზე მნიშვნელოვანი, რაც უნდა იცოდეთ AME დაზღვევის შესახებ
- აუცილებელია გვესმოდეს, რომ ქართულ ენაში ტერმინს „არალეგალი“ უფრო ნეგატიური კონოტაცია აქვს, ვიდრე ფრანგულში sans-papiers (ადამიანი დოკუმენტების გარეშე). საფრანგეთში დოკუმენტების გარეშე მყოფ ადამიანს უფლება აქვს, მიიღოს მინიმალური სერვისები სახელმწიფოსა და სხვა სტრუქტურებისგან, მათ შორის შეუძლია გახსნას საბანკო ანგარიში, მიიღოს სამედიცინო დახმარება და ა.შ.
- თუ თქვენ არალეგალურად ცხოვრობთ საფრანგეთის ტერიტორიაზე 3 თვეზე მეტი ხნის განმავლობაში და თქვენი შემოსავალი დადგენილ ზღვარზე დაბალია, თქვენ გაქვთ AME-ს მიღების უფლება.
AME-ს მისაღებად რესურსების მაქსიმალური ზღვარი
(ძალაშია 2025 წლის 1 აპრილიდან)
| ოჯახის წევრების რაოდენობა | წლიური ზღვრის ოდენობა მეტროპოლიტენურ საფრანგეთში |
| 1 პირი | €10’339 ევრო |
| 2 პირი | €15’508 ევრო |
| 3 პირი | €18’609 ევრო |
| 4 პირი | €21’711 ევრო |
| 4 პირზე მეტი, ყოველ დამატებით პირზე | + €4’135 ევრო |
- AME წარმოადგენს სავალდებულო სამედიცინო დაზღვევის შემცვლელს არალეგალებისთვის.
- AME-ს საშუალებით შესაძლებელია სამედიცინო მომსახურების ხარჯების 100%-მდე ანაზღაურება.
- AME-ს მისაღებად საჭიროა სპეციალური პროცედურის გავლა, რომელსაც დეტალურად განვიხილავთ ქვემოთ.
- AME-ზე ხელმისაწვდომობა გაიცემა 1 წლის ვადით და ექვემდებარება განახლებას.
რას წარმოადგენს AME
- სახელმწიფო სამედიცინო დახმარება (AME) იძლევა უფლებას, აუნაზღაურდეს ჯანდაცვის ხარჯები სოციალური დაზღვევის ტარიფების 100%-მდე.
- მეტიც, AME ათავისუფლებს ხარჯების წინასწარ გადახდის ვალდებულებისგან, რაც აადვილებს სამედიცინო დახმარებაზე ხელმისაწვდომობას.
სახელმწიფო სამედიცინო დახმარება (AME) ფარავს 100%-ით ექიმთან კაბინეტში ან საავადმყოფოში სამედიცინო ან სტომატოლოგიური კონსულტაციების ხარჯებს. ის ასევე ანაზღაურებს რეცეპტით გაცემულ ხარჯებს: მედიკამენტები, სამედიცინო ანალიზები და ა.შ.
სახელმწიფო სამედიცინო დახმარება (AME) არ ანაზღაურებს ხარჯებს:
- ორიგინალურ პრეპარატებზე (médicaments princeps), რომლებსაც აქვთ ჯენერიკები (სამკურნალო პრეპარატი, რომლის საფუძველიც ორიგინალური საშუალების აქტიური ნივთიერების იგივე რაოდენობასა და ხარისხს შეიცავს);
- მედიკამენტებზე დაბალი სამედიცინო ეფექტიანობით (service médical rendu faible), რომელთა ხარჯები სოციალური დაზღვევის ფარგლებში 15%-ის ოდენობით ანაზღაურდება;
- მანიპულაციებსა და სპეციფიკურ საქონელზე რეპროდუქციული ტექნოლოგიების ფარგლებში;
- სამკურნალო პროცედურებზე თერმულ კურორტებზე.
ზრდასრული პირებისთვის, ზოგიერთი ჯანმრთელობის ხარჯის ანაზღაურება (რომელიც შეესაბამება დაგეგმილ არა-გადაუდებელ პროცედურებს) დამოკიდებულია სახელმწიფო სამედიცინო დახმარებით (AME) სარგებლობის სტაჟზე, რომელიც უნდა შეადგენდეს 9 თვეს. იმ სიტუაციებში, როდესაც მკურნალობა ვერ დაელოდება ამ 9-თვიან ვადას, ხარჯების ანაზღაურება სახელმწიფო სამედიცინო დახმარების (AME) ფარგლებში შესაძლებელია სამედიცინო დაზღვევის ფონდთან წინასწარი შეთანხმების შემდეგ.
რას არ ფარავს AME:
თქვენზე რჩება ვალდებულება, გადაიხადოთ გადაჭარბებული ხარჯები გაწეული მომსახურებისთვის (dépassements d’honoraires). ეს ნიშნავს:
- თუ მიმართავთ სექტორ 1-ის (secteur 1) ექიმს — თქვენი ხარჯები სრულად დაიფარება AME დაზღვევით. ამ სექტორის ექიმები მუშაობენ სახელმწიფოსთან შეთანხმებული ტარიფებით;
- თუ მიმართავთ სექტორ 2-ის ან 3-ის (secteur 2 ou 3) ექიმს, მომსახურების ღირებულება, რომელიც აღემატება სექტორ 1-ის ტარიფებს, თქვენ უნდა გადაიხადოთ. დანარჩენს დაფარავს AME დაზღვევა.
გარდა ამისა, სოლიდარობის საფუძველზე არსებული დამატებითი სამედიცინო დაზღვევისგან (Complémentaire santé solidaire — CSS) განსხვავებით, სახელმწიფო სამედიცინო დახმარებისთვის (AME) არ არსებობს დამატებითი ტარიფები კბილის პროცედურების, სათვალეების ან სმენის აპარატების ხარჯების ანაზღაურებისთვის…
ვის ეკუთვნის AME დაზღვევა
AME-თი სარგებლობისთვის აუცილებელია სამი პირობის დაკმაყოფილება:
- გქონდეთ ერთ-ერთი შემდეგი საიდენტიფიკაციო დოკუმენტი:
- საზღვარგარეთის პასპორტი (ყველა გვერდის ასლი);
- ეროვნული პირადობის მოწმობა;
- დაბადების მოწმობის ან ოჯახის წიგნის ამონაწერი(ები) (ფრანგული ნათარგმნი ვერსია, შესრულებული ნაფიცის დამდები თარჯიმნის მიერ, ან მითითებით: სახელი, გვარი, დაბადების ადგილი და თარიღი ლათინური ასოებით);
- ძველი ბინადრობის ნებართვის ასლი(ები);
- ნებისმიერი სხვა დოკუმენტი, რომელიც ადასტურებს თქვენს ან თქვენი დამოკიდებული პირების ვინაობას: მაგალითად, მართვის მოწმობა, პროფესიული ბარათები თქვენი ქვეყნიდან, სტუდენტური ბარათები, საგარეო საქმეთა სამინისტროს სახელობითი დოკუმენტი.
- ვადაგასული ე.წ რესეპესე
- უწყვეტად და არალეგალურად ცხოვრობდეთ საფრანგეთში 3 თვის ან მეტი ხნის განმავლობაში.
- ეს ნიშნავს, რომ არ გაქვთ ბინადრობის ნებართვა, ბინადრობის ნებართვის მოთხოვნის გაგზავნის დამადასტურებელი საბუთი (récépissé) ან ნებისმიერი სხვა დოკუმენტი, რომელიც ადასტურებს, რომ ბინადრობის ნებართვის მიღების პროცედურები 3 თვის ან მეტი ხნის განმავლობაში გაქვთ დაწყებული. ადმინისტრაციული ორგანოები ასეთ მდგომარეობას situation irrégulière-ს უწოდებენ.
- თქვენი შემოსავლები დამოკიდებულია ოჯახის ზომაზე და არ უნდა აღემატებოდეს დადგენილ ზღვარს.
- შენისავლის ზღვარი მოცემულია ზევით
როგორ მივიღოთ AME დაზღვევა
ამ სექციაში დეტალურად განვიხილავთ AME-ს მიღების შემდეგ ნაბიჯებს.
ნაბიჯი 1: შეავსეთ AME-ს მოთხოვნის ფორმა და შეადგინეთ დოსიე
შესავსები დოკუმენტი შედგება 3 გვერდისგან, საიდანაც პირველი საინფორმაციო ხასიათისაა, შესავსები კი გახლავთ მე-2 და მე-3 გვერდი.
50741#08 ფორმის გადმოწერა შეგიძლიათ ბმულზე, მისი შევსება კი შესაძლებელია როგორც PDF ფორმატის პროგრამით, ასევე მობეჭდილი ვერსიით
Le demandeur
- Nom – თქვენი გვარი
- Prénom(s) – სახელი
- Nationalité – აქ მონიშნეთ უჯრედი Autre pays და გრაფაში ჩაწერეთ – Géorgie
- N° de Sécurité sociale ou d’AME (si vous en avez un) -AME დაზღვევის ნომერი, თუ ასეთი გაქვთ მონიჭებული, თუ არა – გამოტოვეთ
- N° d’allocataire (allocations familiales – si vous en avez un) – ოჯახური შემწეობის allocations familiales ნომერი, თუ ასეთი გაქვთ მონიჭებული, თუ არა – გამოტოვეთ
- Adresse en France – ფრანგული მისამართი
- N° tél. portable – მობილურის ნომერი
- Code postal – საფოსტო ინდექსი
- Commune – ქალაქი
- Si vous n’avez pas d’adresse personnelle ou si vous êtes hébergé(e) – ეს გრაფა მონიშნეთ, თუ არ გაქვთ პირადი მისამართი ან თუ ცხოვრობთ (სხვის) თავშესაფარში (ანუ, ვინმე გაფარებთ)
- Avez-vous déjà bénéficié de l’AME ? – ხართ თუ არა AME დაზღვევის ბენეფიციარი, ანუ – თუ ავსებთ პირველად – მაშინ მონიშნეთ გრაფა non, ხოლო თუ აგრძელებთ ვადის გასვლის შემდეგ – მონიშნეთ გრაფა si oui და მიუთითეთ როდიდან – année – წელი, département: თქვენი საცხოვრებელი დეპარტამენტის ნომერი (საფოსტო ინდექსის პირველი 2 ციფრი)
- Si vous, ou l’une des personnes à votre charge, avez reçu des soins au cours des trois derniers mois cochez la case – მონიშნეთ უჯრა (კვადრატი) თუ თქვენ, ან თქვენზე დამოკიდებული რომელიმე პირი (მაგალითად, მეუღლე ან შვილები) ღებულობთ ან მიიღეთ სამედიცინო დახმარება ბოლო 3 თვის განმავლობაში
Votre résidence en France
- Vous résidez en France de façon stable depuis le – მიუთითეთ საფრანგეთში უწყვეტად ყოფნის თარიღი (ფორმატი: დღე/თვე/წელი)
Les personnes à votre charge résidant en France (conjoint(e), partenaire d’un PACS, concubin(e), enfants et cohabitant(e))
ეს გახლავთ ცხრილი, სადაც უნდა მიუთითოთ, თქვენზე დამოკიდებული ადამიანები, ან ოჯახის წევრები, მ.შ პარტნიორი, შვილი, გერი, თანამაცხოვრებელი, ეს განყოფილება მოითხოვს, რომ განაცხადში შეიტანოთ ყველა ეს პირი, რადგან მათი სტატუსი გავლენას ახდენს ოჯახის შემოსავლის ზღვარზე, AME-ს მისაღებად.
- Nom – გვარი
- Prénom(s) – სახელი
- Lien de parenté – კავშირი (თანაცხოვრები (პარტნიორი) – Concubin / Concubine | პარტნიორი – Compagnon / Compagne | PACS-ის პარტნიორი – Partenaire de PACS | შვილი – Enfant (ან Fils – ვაჟი / Fille – ქალიშვილი) | დედა – Mère | მამა – Père | მეუღლე – Époux / Épouse (ან Conjoint / Conjointe) | და – Sœur | ძმა – Frère | სხვა (თანამცხოვრები) – Cohabitant / Cohabitante)
- Date de naissance – დაბადების თარიღი (ფორმატი: დღე/თვე/წელი)
Vos ressources et celles des personnes à votre charge
Vos ressources et celles des personnes à votre charge (თქვენი და თქვენზე დამოკიდებული პირების რესურსები/შემოსავლები).
მნიშვნელოვანი მითითება: Indiquez les montants cumulés au cours des douze derniers mois et joignez les justificatifs mentionnés dans la notice. (მიუთითეთ ბოლო თორმეტი თვის განმავლობაში დაგროვილი თანხები და დაურთეთ ცნობაში მითითებული დამადასტურებელი დოკუმენტები.)
სვეტების განმარტება
ეს ცხრილი იყოფა ოთხ ძირითად სვეტად, ვერტიკალურად ჩამონათვალში უნდა შეიყვანოთ ოჯახის თითოეული ზრდასრული წევრის მონაცემები:
- Vous – თქვენი (განმცხადებლის) მონაცემები.
- Votre conjoint(e), partenaire d’un PACS ou concubin(e)თქვენი მეუღლის, PACS-ის პარტნიორის ან თანაცხოვრების მონაცემები.
- Enfant(s)შვილების (ასეთის არსებობის შემთხვევაში) მონაცემები.
- Cohabitant(e) თანამცხოვრები პირი(ების) მონაცემები (თუ არცერთი ზემოთ ჩამოთვლილი კატეგორია არ არის).
შემოსავლების ტიპების (Nature des ressources) დეტალური განმარტება
აუცილებელია თითოეულ სტრიქონში მიუთითოთ ბოლო 12 თვის განმავლობაში დაგროვილი მთლიანი (ჯამური) თანხა ევროებში (€).
- Ressources perçues à l’étranger საზღვარგარეთ მიღებული რესურსები (შემოსავალი)
- მიუთითეთ ნებისმიერი შემოსავალი (ხელფასი, პენსია, ფულადი დახმარება), რომელიც თქვენ ან ოჯახის წევრმა მიიღეთ საფრანგეთის ფარგლებს გარეთ ბოლო 12 თვის განმავლობაში.
- Salaires ხელფასი
- მიუთითეთ საფრანგეთში დასაქმებიდან მიღებული მთლიანი ხელფასი ბოლო 12 თვის განმავლობაში.
- Pensions, retraites et rentes – პენსიები, საპენსიო და სხვა
- მიუთითეთ პენსიის, ინვალიდობის პენსიის ან ნებისმიერი რეგულარული შემოსავლის თანხა, რომელიც მიღებულია ბოლო 12 თვის განმავლობაში.
- Autres ressources (aides financières, sommes d’argent versées par un tiers, etc) – სხვა რესურსები (ფინანსური დახმარება, მესამე პირის მიერ გადარიცხული ფულადი თანხები და ა.შ.) Précisez la nature
- მიუთითეთ ნებისმიერი სხვა შემოსავალი, რომელიც არ ჯდება ზემოთ მოცემულ კატეგორიებში. მაგალითად, კერძო დახმარება. მიუთითეთ წარმომავლობა, ამ სტრიქონზე აუცილებელია დეტალურად აღწეროთ, რა ტიპის შემოსავალია ეს. მაგალითად: Aide financière familiale (ოჯახის ფინანსური დახმარება), Don d’un tiers (მესამე პირის შემოწირულობა).
| ფრანგულად მითითებული კითხვა | ქართული თარგმანი | პასუხის ინსტრუქცია |
| Avez-vous perçu des prestations versées par l’assurance maladie, la caisse d’allocation familiale, le Pôle Emploi ? | მიგიღიათ თუ არა შეღავათები ჯანმრთელობის დაზღვევისგან, ოჯახის დახმარების ფონდისგან, დასაქმების სააგენტოსგან (Pôle Emploi – ახლა მას FRANCE TRAVAIL ჰქვია, ამიტომ იგულისხმეთ france travail)? | მონიშნეთ Oui (დიახ) ან Non (არა). თუ დიახ, ეს გულისხმობს ისეთ დახმარებებს, როგორიცაა უმუშევრობის დახმარება, ავადმყოფობის ანაზღაურება, საოჯახო დახმარებები (CAF-ის მიერ). |
| Êtes-vous logé(e) à titre gratuit ? | ცხოვრობთ თუ არა უფასოდ (უვადოდ/უსასყიდლოდ)? | მონიშნეთ Oui (დიახ) ან Non (არა). |
| Si oui, depuis quelle date ? | თუ დიახ, რომელი თარიღიდან? | თუ უფასოდ ცხოვრობთ, მიუთითეთ თარიღი, როდესაც დაიწყეთ ამ პირობებით ცხოვრება. |
| Pensions alimentaires versées | ალიმენტის სახით გადახდილი თანხები | მიუთითეთ ის თანხა, რომელიც თქვენ (ან თქვენმა პარტნიორმა) გადაუხადეთ სხვა პირს ალიმენტის სახით ბოლო 12 თვის განმავლობაში. ეს თანხა გამოიქვითება საერთო შემოსავლიდან. |
- Fait à – მიუთითეთ თქვენი ქალაქი
- le – ჩაწერეთ შევსების თარიღი (ფორმატი: დღე/თვე/წელი)
- Signature du demandeur – განმცხადებლის ხელმოწერა
ვაგრძელებთ მესამე გვერდის შევსებას:
მნიშვნელოვანი ინფორმაცია (IMPORTANT)
- თქვენი AME ბარათის გასაცემად, აუცილებელია ამ განაცხადს დაურთოთ თქვენი ბოლო ფოტო (ზომა 3.5 X 4.5 სმ), ასევე ყველა იმ პირის ფოტო, რომელიც არის 16 წლის და ზევით და მითითებულია თქვენს AME მოთხოვნის ფორმულარში.
- ფოტოს მოთხოვნები: ფოტოები, ფერადი, თეთრ ფონზე, უნდა იყოს გადაღებული წინიდან, შიშველი თავით (ქუდის გარეშე), უნდა იყოს ბოლოდროინდელი და ზუსტად ასახავდეს პიროვნებას.
- არ გამოიყენოთ სკრეპი, სტეპლერი ან წებოვანი ლენტები (სკოჩი) (NE PAS UTILISER D’AGRAFES NI D’ADHESIFS). – გამოიყენეთ მხოლოდ წებო ფოტოს დასამაგრებლად.
სექცია I: განმცხადებელი (LE DEMANDEUR)
ეს სექცია ეხება მხოლოდ იმ პირს, რომელიც ავსებს განაცხადს.
- Nom: გვარი.
- Prénom(s): სახელი.
- Date de naissance: დაბადების თარიღი (დღე/თვე/წელი).
- ფოტოს ადგილი: მიამაგრეთ განმცხადებლის ფოტოსურათი 3.5 X 4.5 სმ ზომის, ზემოთ აღნიშნული მოთხოვნების დაცვით.
სექცია II: მეუღლე, PACS-ის პარტნიორი ან თანაცხოვრები (CONJOINT(E), PARTENAIRE D’UN PACS OU CONCUBIN(E))
ეს სექცია ეხება AME-ს განაცხადში მითითებულ პარტნიორს.
- Nom: პარტნიორის გვარი.
- Prénom(s): პარტნიორის სახელი.
- Date de naissance: პარტნიორის დაბადების თარიღი.
- ფოტოს ადგილი: მიამაგრეთ პარტნიორის ფოტოსურათი, თუ ის 16 წლის ან მეტის არის.
სექცია III: 16 წელზე ზევით ასაკის შვილი (ENFANT DE PLUS DE 16 ANS)
- ეს სექცია განკუთვნილია მხოლოდ იმ შვილებისთვის, რომლებიც 16 წლის ან მეტის არიან და თქვენზე დამოკიდებულებად ითვლებიან (მაგალითად, თუ ისინი აგრძელებენ სწავლას).
- Nom: შვილის გვარი.
- Prénom(s): შვილის სახელი.
- Date de naissance: შვილის დაბადების თარიღი.
- ფოტოს ადგილი: მიამაგრეთ შვილის ფოტოსურათი.
სექცია IV: 16 წელზე მეტი ასაკის შვილი ან თანამცხოვრები პირი (ENFANT DE PLUS DE 16 ANS OU COHABITANT(E))
- ეს სექცია განკუთვნილია დამატებითი 16 წელზე მეტი ასაკის შვილებისთვის ან ნებისმიერი სხვა თანამცხოვრები პირისთვის (Cohabitant(e)), რომელიც მითითებულია განაცხადის პირველ გვერდზე.
- Nom: პირის გვარი.
- Prénom(s): სახელი.
- Date de naissance: პირის დაბადების თარიღი.
- ფოტოს ადგილი: მიამაგრეთ პირის ფოტოსურათი.
თუ განაცხადი შეიცავს უფრო მეტ პირს, ვიდრე მოცემულია ამ ფორმაზე (მაგალითად, ოთხზე მეტი 16+ წლის პირი), შეგიძლიათ გამოიყენოთ დამატებითი ფურცელი, სადაც მიუთითებთ დანარჩენი პირების მონაცემებს და ფოტოსურათებს.
გაითვალისწინეთ, რომ თქვენი დამოკიდებული პირების შესახებ ინფორმაცია იმავე ფორმაში უნდა შეიტანოთ. თქვენს უზრუნველყოფაზე მყოფ პირებს განეკუთვნებიან:
- თქვენი მეუღლე, თანაცხოვრებელი ან PACS-ის პარტნიორი;
- თქვენი შვილები (16 წლამდე, ასევე 16-დან 20 წლამდე, თუ სწავლას აგრძელებენ);
- პირები, რომლებიც თქვენთან ერთად ცხოვრობენ.
განაცხადს დაურთეთ შემდეგი დოკუმენტები:
- პასპორტის ასლი (ყველა გვერდის) ან, თუ ეს შეუძლებელია, პირადობის დამადასტურებელი დოკუმენტის ასლი;
- ფერადი ფოტოსურათი (1 ცალი, 3,5 x 4,5 სმ), შეგიძლიათ დაბეჭდოთ ჩვეულებრივ პრინტერზე, მთავარია ფონი იყოს თეთრი;
- დოკუმენტი, რომელიც ადასტურებს, რომ მუდმივად ცხოვრობთ საფრანგეთში, მაგალითად, ქირის, გაზის, ელექტროენერგიის გადახდის ქვითარი ან საცხოვრებელი ადგილის ცნობა;
- დოკუმენტი, რომელიც ადასტურებს თქვენი შემოსავლის დონეს.
თუ გაქვთ ინვალიდობა ან დაავადება, რომელიც საჭიროებს ძვირადღირებულ მკურნალობას, დაურთეთ დოსიეს შესაბამისი დოკუმენტები – შესაძლოა ამან დააჩქაროს დაზღვევის მიღების პროცესი.
ნაბიჯი 2: შეიტანეთ მოთხოვნა CPAM-ში
მოთხოვნა თანდართული დოკუმენტებით თქვენ პირადად უნდა მიიტანოთ საცხოვრებელი ადგილის პირველადი სამედიცინო დაზღვევის ფონდის (CPAM – Caisse Primaire d’Assurance Maladie) განყოფილებაში. მისამართის გაგება შეგიძლიათ ვებგვერდზე ameli.fr და შეიყვანეთ თქვენი საფოსტო ინდექსი
დააჭირეთ ღილაკს “Un autre sujet” (სხვა თემა):
შემდეგ დააჭირეთ პანელს “dans un de nos point d’accueil” (ჩვენს ერთ-ერთ მისაღებ პუნქტში):
გაითვალისწინეთ, რომ თუ მუშაობთ სოფლის მეურნეობის სექტორში, განაცხადი უნდა შეიტანოთ სოფლის მეურნეობის სოციალური დაზღვევის სამსახურში (Mutualité sociale agricole – MSA).
თუ არ საუბრობთ ფრანგულად, რეკომენდებულია წახვიდეთ ნაცნობ ადამიანთან ერთად, რომელსაც შეუძლია თარგმნა.
ნაბიჯი 3: მიიღეთ პასუხი
1. თუ განაცხადი მიიღეს 2 თვის განმავლობაში
მიიღებთ წერილს, რომელშიც მითითებული იქნება CPAM-ში ვიზიტის თარიღი.
გახსოვდეთ შემდეგი:
- შეხვედრის დროს მიიღებთ AME ბარათს:
- ის ყოველწლიურად უნდა განახლდეს, სანამ აკმაყოფილებთ AME-ზე ხელმისაწვდომობის პირობებს. AME ბარათის განახლების განაცხადი CPAM-ში უნდა შეიტანოთ ვადის გასვლამდე ორი თვით ადრე.
- ეს AME ბარათი თან იქონიეთ ექიმთან ყველა ვიზიტისას და აფთიაქში, თუ მედიკამენტები დაგჭირდებათ. მისი მეშვეობით თქვენ გაქვთ უფლება, არ გადაიხადოთ ზემოთ მითითებული მომსახურებები.
2. თუ ორ თვეში პასუხს ვერ მიიღებთ
თუ ორი თვის გასვლის შემდეგ პასუხს ვერ მიიღებთ, რეკომენდებულია მიმართოთ CPAM-ს სიტუაციის გასარკვევად.
3. თუ განაცხადი უარყოფილია
თუ განაცხადი უარყოფილია, შეგიძლიათ მოითხოვოთ ამ გადაწყვეტილების შეცვლა პროცედურის მეშვეობით, სახელწოდებით „საჩივარი“ (recours). საჩივრის (recours) შეტანა შესაძლებელია უარყოფის შესახებ შეტყობინების მიღებიდან 2 თვის განმავლობაში.
შესაძლებელია საჩივრის (recours) ორი ფორმა:
- მეგობრული მოგვარება (recours gracieux) თქვენი CPAM ფილიალის დირექტორთან;
- საჩივარი სასამართლოში (recours contentieux) საცხოვრებელი ადგილის ადმინისტრაციულ სასამართლოში (tribunal administratif). საკონტაქტო მონაცემების ნახვა შეგიძლიათ ვებგვერდზე https://www.justice.fr/recherche/annuaires, საფოსტო ინდექსის შეყვანით და tribunal administratif-ის არჩევით.
სახელმწიფო სამედიცინო დახმარებაზე (AME) ხელმისაწვდომობის განახლება
- სახელმწიფო სამედიცინო დახმარებაზე (AME) ხელმისაწვდომობა გაიცემა 1 წლის ვადით და ექვემდებარება ყოველწლიურ განახლებას.
- AME-ს განახლებისთვის აუცილებელია ვადის ამოწურვამდე 2 თვით ადრე ფორმულარის გაგზავნა CPAM-ში. გამოიყენება იგივე ფორმულარი, რაც პირველადი წარდგენისას.
- თუ განახლებაზე განაცხადი შეგაქვთ AME-ს ვადის ამოწურვამდე, ფორმულარის გაგზავნა შესაძლებელია ფოსტით. იმ შემთხვევაში, თუ AME-ს ვადა ამოიწურა, ფორმულარი უნდა შეიტანოთ პირადად.
სასარგებლო ბმულები
- Comede — ორგანიზაცია, რომელიც ეხმარება ემიგრანტებსა და ლტოლვილებს სამედიცინო დახმარების მიღებაში, მათ შორის AME-ს გაფორმებაში: https://www.comede.org/
ვინ დამეხმარება AME-ს მოთხოვნის შედგენაში?
თუ გაგიჭირდებათ ფორმის შევსება ან თანდართული დოკუმენტების მომზადება, დარეკეთ ნომერზე 3646. სოციალური დაზღვევის სისტემის სამსახური ზარებს იღებს ორშაბათიდან პარასკევის ჩათვლით, 8:30-დან 17:00 საათამდე. ზარი უფასოა ან ოპერატორის მიერ ანაზღაურდება საცხოვრებელი ადგილის მიხედვით.
ასევე, ფორმების შევსებაში შეიძლება დაგეხმარონ სოციალური მუშაკი ან საჯარო მწერალი (écrivain public). მათ შეხვდებით ერთ-ერთ უფლებამოსილ ორგანოში: თქვენი ქალაქის მუნიციპალურ სოციალური დახმარების ცენტრში (centre communal d’action sociale — CCAS), ჯანდაცვისა და სოციალური მომსახურების სამსახურებში (services sanitaires et sociaux), ასოციაციაში ან სამედიცინო დაწესებულებაში (hôpital). ამ ორგანიზაციებმა კანონით დადგენილ ვადებში (მაგალითად, რვა დღე AME-სთვის) თქვენი განაცხადი, თქვენი თანხმობით, სოციალური დაზღვევის ფონდს უნდა გადასცენ.
დამატებითი ინფორმაცია
თქვენ შეიძლება გქონდეთ დამატებითი დაზღვევა AME-ს პარალელურად. მაგალითად, თქვენი CSS ან mutuelle შეიძლება კვლავ მოქმედებდეს მას შემდეგ, რაც გახდით sans-papier (ბინადრობის ნებართვის მოქმედება დასრულდა).
თუ ჯერ არ გაქვთ რაიმე დოკუმენტი, რომელიც საშუალებას მოგცემთ აინაზღაუროთ სამედიცინო მომსახურების ხარჯები, შეგიძლიათ ისარგებლოთ სპეციალური განყოფილებებით PASS, რომლებიც განთავსებულია მედიკო-სოციალური მომსახურების ცენტრებში. PASS-ს ასევე შეუძლიათ მიმართონ AME-ს მფლობელებმა, თუ მათთვის საჭირო სამედიცინო მომსახურება არ იფარება დაზღვევით.
PASS-ის ექიმები თქვენთვის უფასოდ მუშაობენ – თქვენს ხარჯებს დაფარავს სახელმწიფო.
PASS განყოფილების მუშაობის წესები დამოკიდებულია ჰოსპიტალზე. ზოგიერთში აუცილებელია გარკვეულ დროს მისვლა (მაგალითად, რაც შეიძლება ადრე), ზოგიერთში კი – წინასწარი ჩაწერა. PASS-ში მომუშავე ექიმების სპეციალიზაცია შეიძლება განსხვავდებოდეს. ამიტომ, ყურადღებით შეისწავლეთ, მუშაობს თუ არა იქ მიმღები ექიმი თქვენს დაავადებაზე.
თქვენ ასევე შეგიძლიათ მიმართოთ Médecins du Monde-ს CASO-ს.
სამედიცინო დახმარებაზე ხელმისაწვდომობისა და ორიენტაციის ცენტრები (Centre d’accès aux soins et d’orientation – CASO) არის დაწესებულება, რომლის მიზანია გაჭირვებული ადამიანებისთვის სამედიცინო დახმარებაზე ხელმისაწვდომობის გამარტივება.
ცენტრები უზრუნველყოფენ მუდმივ ხელმისაწვდომობას სამედიცინო მომსახურებაზე პაციენტებისგან გადასახადის გარეშე და წინასწარი ჩაწერის გარეშე. ამ ტიპის სტრუქტურა უზრუნველყოფს ჯანდაცვის სისტემაზე ხელმისაწვდომობას, მედიკო-სოციალური სფეროს მრავალრიცხოვან მონაწილეებთან კოორდინაციით.
სამედიცინო დახმარებაზე ხელმისაწვდომობისა და ორიენტაციის ცენტრი (CASO), როგორც საკვანძო ელემენტი რთულ სიტუაციაში მყოფი და არალეგალური სტატუსის მქონე ადამიანებისთვის სამედიცინო დახმარების მიღების პროცესში, ყველაზე მოწყვლად პირებს საშუალებას აძლევს, მიიღონ, სხვა საკითხებთან ერთად, ზოგადი მედიცინის კონსულტაციები, სამედიცინო პროფესიონალების მიერ დანიშნული მედიკამენტები, სტომატოლოგიური მომსახურება, ასევე სამეანო და გინეკოლოგიური მეთვალყურეობა.
კატეგორიის სხვა სიახლეები
